Ақын өлеңдері жинағы ✍️

Лапылдап бойға жайылған жалын үшін бе?
Бір арман менің айтылмай кеткен ішімде.
Көзіме оттай басылушы едің, гүлай қыз,
Класстың анау кінəсіз тобы ішінде.
Тұңғиық көзің əдемі еді-ау, əдемі,
Сиып-ақ тұрған сұлулықтың бар əлемі.
Қарасаң ғана қарашығыңды төңкеріп,
Жүректес сынды ол дағы, шіркін, бізбенен.
«Қош» дедің-дағы «сып» бердің үйдің ішіне,
Бір арман кетті тағы да менің ішімде.
Мен бəлкім сені ұмыта алмайтын шығармын,
Осындай ғана кездесу болғаны үшін де.