Ақын өлеңдері жинағы ✍️

Ақ жұлдыздар тойлап,
Ақ аспанда ойнап
Асығады жерге,
Жаралғандай ардан,
Ақ көбелек арман.
Қырдан қырға зулап,
Сәбилер жүр шулап,
Жарысып пәк желмен.
Пейілге нұр сеуіп,
Шаңғыларын теуіп.
Шаттыққа сән қосып,
Алақанын тосып,

Шыршалар тұр әне
Мейірім сыйлап миға,
Көктен қонған сыйға.
Сыймайтұғын сөзге,
Көрінбейтін көзге,
Тек Аллаға аян,
Ақ әлемде жарық
Бақыт бары анық.
...Жаңа жылдың күні,
Жаңа үміттің тіні.
Сол бір бақыт кірсін,
Бүгін әрбір үйге –
Жарылмаған күйде.