13.09.2022
124

ОЙ ТҮБІНДЕ ӨМІР БАР
Көңілің шаттық құшқанда,
Құстан да биік ұшқанда,
Өмір-ай, неткен еркін деп,
Бойыңды билер күшті арна.
Лəззəтті таңды атырған,
Қызыққа бірдем батырған.
Өмір-ай, өмір қыздайсың,
Қолын бір бұлғап шақырған.
Жаның бір отқа күйгенде,
Күйгелек мінез күйге енбе.
Ерліктің кебін үйрен де,
Өмірдің заңы осы деп,
Сезесің бір сыр түйгендей.
Тобан бір оймен торыққан,
Бəрінен, қарғам, қорықпан.
Өмірдің заңы осылай,
Қағатын дайым тобықтан.
Ойыңнан жаңа ой аштым,
Бойыңнан байлық − қойма аштым.
Өмір-ай, өзің баулыдың,
Оңайға өле қоймаспын.