Ақын өлеңдері жинағы ✍️

Қалай сырды ақтарамын,
Жеткізе ме жырым да.
Өтіп кеттің жалт қарадым,
Арқадағы бұрымға.
Демен көңіл тынышталды,
Айтатын бір сырым бар.
Көз алдымда тұрып қалды,
Сол әдемі бұрымдар.
Сұлусың да, сүйкімдісің,
Не деуің де беймәлім.
Ұрласаң да ұйқымды шын,
Сөз айтуға қимадым.
Сен біреудің жұбайысың,
Айтпасаң да мұның мәлім.
Бермес тыным құдай үшін,
Бұйра-бұйра бұрымдарың.