Ақын өлеңдері жинағы ✍️

Самайлы Уақыт-Ғалам,
Санадым кіл шашын ақ.
Көзіңнен өтіп барам,
Көзімнен түн шашырап.
Кешеге тоналған соң,
Кешенің Үні шейіт.
Бүгінге оралған соң,
Бүгін де түн ішейік.
Көктемге сездірме де,
Көктемге сенбейтін күз.
Сор жұтқан мезгілдерге,
Сондықтан келмейтінбіз.
Келгенді кім аяды,
Келмеді тар ой анық.
Көз ілгем түн аяғы.
Көзімнен таң оянып.
Айтсаңшы білесің жас,
Көзімнен құлаған көп.
Сен менсіз күлесің рас,
Мен сенсіз жылағам жоқ.
Ақынды кім түсінсін,
Ақындай бола мамық.
Бүгін де түн үшін шын:
Бүгін гүл солады анық.