Ақын өлеңдері жинағы ✍️

Жаз ыстыққа күйеді, қыс суықта,
Ауру болар осымен жел буып та.
Сасық, паң, зор тәкәппар қожайын көп.
Дегендей елден мендей ұл туып па?
Жатар төсек, төр алды толған бопыр,
Алқам-салқам үй іші, опыр-топыр.
Ыдыс кір, ішкен астың түк дәмі жоқ,
Борсыған қылшық ет жеп мырзаң отыр.
Байсынып, кеуде кеуіп, көңілі асқан.
Ғайбаттап жанның бәрін өр таласқан.
Иті бірге ішіп-жеп өздерімен,
Ел жылатып, бай болып, лақабы асқан.