Ақын өлеңдері жинағы ✍️

Қате келген телефон деп,
Алдайсың-ау, қарағым.
Тигізбеуге көңіліме,
Салқындықтың самалын.
Ісі ме бұл кәмпит берсе,
Алданатын баланың.

Үзілуден қорқасың-ау,
Нәзік жіптей араның.
Қате келген телефон деп,
Тілдейсің-ау басқаны.
Қара бұлт боп құймасын деп,
Махаббаттың аспаны.
Қызғанады кемпірі де,
Алпыстағы қасқаны.
Екеумізді өкпелеткен,
Мен де сөктім басқаны.