Ақын өлеңдері жинағы ✍️

Көз алдымда біреу шөгіп барады,
Көз алдымда біреу сөніп барады.
Көз алдымда біреу кеуіп барады,
Көз алдымда арды теуіп барады.
Көз алдымда біреу күліп барады,
Көз алдымда біреу үріп барады.
Көз алдымда біреу жылап барады,
Қолын жайып қауқар сұрап барады.
Көз алдымда біреу налып барады,
Көз алдымда жұлдыз ағып барады.
Көз алдымда мақтан қуып барады,
Тарландарын тақтан қуып барады.
Бар бақытын құшаққа алып барады.
Көз алдымда ұсақталып барады,
Көз алдымда тұзақ салып барады,
Жүйріктерді тұсап, шалып барады.
Көз алдымда көкірегін соғады,
Біреу – төмен, екіншісі – жоғары.
Көз алдымда біреу бөсіп барады,
Көз алдымда дүние көшіп барады.