11.09.2022
73
![](/uploads/shorttexts/author_image/2234cd6c875503b01034923f72fc9a7a.jpg)
Қорғасын бұлттар кенеттен
Қорғасын бұлттар кенеттен
Қалғыған шыңды қаптады.
Басталды жойқын жел өктем,
Бұзылды күннің аптабы.
Ақ шуда бұлт асылды,
Шырқау бір шыңның мойнына.
Аспаннан маржан шашылды,
Жан ана – Жердің қойнына.
Шыңдарын таудың қалқалап,
Кемпірқосақ көрінді.
Шоқыны сонда алқалап,
Белбеулер жібек керлді.
Көгілдір сағым сəн құрап,
Таулардан төмен тарады.
Жаңғырған аспан жарқырап,
Құлпырып дүние барады.