Ақын өлеңдері жинағы ✍️

«Келмейсің», – деп өкпе айтар нағашылар,
Жиенге берер түрлі сыбағасы бар.
Қарлығаштай су сепкен қанатымен,
Сүйей-тұғын солар ғой, жанашырлар.
Ауыр сөз айтпас тіптен жиеніне,
Таңба түсіп қалардай сүйегіне.
Шағылса тауым кейде қапылыста,
Мен сенемін солардың сүйеуіне.
Өмірде көп болсыншы нағашылар,
Əрбірінің өзіндік бағасы бар.
Жиендер бақытты ғой, еркелейтін
Алдында нағашы, ата, ағасы бар.