Ақын өлеңдері жинағы ✍️

Жаман екен меңдеген сырқатың да,
Кейде шамаң келмейді тіл қатуға.
Сыймайды ақын жаны палатаға,
Мұрсат бер оған өлең бұрқатуға.
Қамама ақынды тар палатаға,
Текке жатсаң сарғайып таң ата ма?
– Қырымнан хат келетін кез болды, – деп,
Алаңдап хат жазайын жан апама.
Барсам да таулы Кавказ, Қырымыңа,
Сырқатымның белгісіз сыры мына.
Айдында ақ шабақтай еркін жүзіп,
Қыздар жүр гүл қадаған бұрымына.