Ақын өлеңдері жинағы ✍️

Шалмаса қыран қиядан қағып түлкіні,
Болады жұртқа иесі де, өзі күлкілі.
Жарысса желге жеткізбейтін қайран арғымақ,
Сүрінер, бəлкім, қапылыста бір күні.
Тулағанмен теңіз бəрібір жылжып ағады,
Құлатпас қанша мүйіздесе де жағаны.
Болсаң да алып Толағайдай тау көтерген,
Жығылады адам баспаса жерді табаны.
Найзағай көкте ойнатса отын жайнатып,
Күн тұратын-ды, кетсе де бұлтқа Ай батып.
Ойнама отпен, найзағай оның төркіні
Кетеді кейде ұшқынымен-ақ жайратып.