Ақын өлеңдері жинағы ✍️

Демеңдерші: «еркем неге кешікті?» –
Əндете бер ашып қойып есікті.
Қыз сырына тек барлаушы жеңге екен,
Бұл тентегің сыртта жүріп кеш ұқты.
Ашылмаған жүректердің қақпасын,
Ақтаруға сен ғана жол табасың.
Талай-талай арашалап алғансың,
Түскен кезде небір ауыр басқа сын.
Жүректердің дəнекері аңсаған,
Сен арқылы табысты екен қанша адам?
Сағынғанда өзің менен назыңды,
«Жеңеше-ай» деп асқақтата əн салам.