Ақын өлеңдері жинағы ✍️

Жүремін тек шындықтың жетегіне,
Ақиқаттың тұрақтап мекеніне.
...Өтіріктің қойнынан шыққамын жоқ,
Оралғам жоқ өсектің етегіне.
Жармасқам жоқ жаланың шылауына,
Озбырлықтың көнгем жоқ бұрауына.
Жастайымнан әділдік іздегенім –
Тек әділет кіреді құлағыма.
Ауырғам жоқ дертімен күншілдіктің,
Қорқыта алмас күшімен міншіл-мықтың.
Өтіріктің түр-түсі көп дейді жұрт,
Еріп келем соңынан бір Шындықтың.
Осы жолда шаршармын,
шалдығармын;
Қателескен кезімді енді ұғармын.
Шындық болса – әділет.
Мен құрбанмын.
Шындық болса – махаббат.
Мен құмармын.