Ақын өлеңдері жинағы ✍️

Жер бетінде пенденің
Күлкісі бірдей, түр-түсі басқа.
Тербетілген жеңгенің
Жыртысы бірдей, жыр-құсы басқа.
Асуда жүрген аңның да
Ойнағы бірге, қойнауы басқа.
Қасыңда жүрген жанның да
Ойнауы бірге, ойлауы басқа.
Бір-біріне ғашықтың
Ұнауы бірдей, сынағы басқа.
Гүл тіліне асықтың
Құлауы бірдей, сұрағы басқа.
Суық жолға түскеннің
Нәпсісі бірдей, апшысы басқа.
Суыт жонға көшкеннің
Сақшысы бірдей, жақсысы басқа.
Абылай аспас қосынның
Ұраны бірге, шырағы басқа.
Жан аяспас досыңның
Жыр-әні бірге, тұрағы басқа.