Ақын өлеңдері жинағы ✍️

Тау жолдары! Қай-қайда бастайсыңдар,
Қай қырқаға апарып тастайсыңдар?!
Бұлаң құйрық бұралаң ирек салмай,
Неге тура биіктен аспайсыңдар?!
Асығу жоқ. Жоғалып қашпайсыңдар,
Басыну жоқ. Омалып саспайсыңдар.
Тастөбеден шаншылып міз бақпайды
Асқақ шыңдар дегендей “аспайсыңдар”.
Тау жолдары! Сыртқа сыр шашпайсыңдар,
Шежірені жұмбақтап ашпайсыңдар.
Адалдыққа үйретіп жолаушыны,
Арамдыққа ешқашан баспайсыңдар.