Ақын өлеңдері жинағы ✍️

Асыл күндер өтіп жатыр жоғалып,
Қолдан келсе, қояр ма едім доғарып?
Соның бәрін біліп тұрып, қиын-ау
От басында отырғаным омалып.
Келер күндер – арман болған құс аппақ,
Шын ұмтылсам жеткендеймін үш аттап.
Жерошақты күзетуім жөн бе екен,
Күні бойы қу тіземді құшақтап?!
Жолға аттанам, күн нұрынан от алып,
Жалқаулықтың іргетасын қопарып.
Жарқын күндер, өздеріңе жеткізем,
Жақсылықты кеудемдегі қотарып.
“Абзал уақыт, сабыр сақтап күте біл,
Қаймағынан бұзылмасын сүт-өмір”.
Қара қылды қақ бөлетін алмастай
Жақсы жұрттың маңдайына бітеді ұл
.