Ақын өлеңдері жинағы ✍️

Досым-ай!
Мен ауылдан кеше келдім.
Ақ шәшін –
Сүйіп қамқор шешелердің!
Ауылда қариялар аз қапты ғой!..
Жау шапқан сақалындай көселердің...
Естуші ем...
Сөз сомдаған зерігерден:
«Жат жерде қысады деп,
Көрі де ердің!»
Бұл күнде мынау жаным –
Қырық тесік...
Оқ тиген сауытындай серілердің!
Албырт боп байқамаппын...
Жасты да анық,
Үлкен боп, осы жолы бас турадық.
Бір құлақ, әттең маған бұйырмады!
Кеткен соң,
Қара бала қақшып алып...
Басқаның босағасы тар,
Саған жат!
Бел шешіп жата алмайсың,
Шаршағанда ат...
Не жетсін... өзің туған лашыққа,
Иті де асылатын арсалаңдап!