Ақын өлеңдері жинағы ✍️

Өмір сүрем өлеңсіз-ақ,
Өзе кәсіп бастап бір.
Америка – Гомерсіз-ақ,
Абайсыз-ақ – асқақ тұр.
Көгермеді көсегем де,
Жақындаспай қайманам, --
Қан бақиды осы өлеңге,
Қайдан келіп байлағам?
Ештеңеге таңданбастан,
Енді жерге енемін.
Мағжансыз-ақ маң-маң басқан,
Қай қазақтан кем едім?
Жетер жырсыз жебейтін ел,
Жанымды ая, Жасаған!
Кененсіз-ақ кеней – түгел,
Байронсыз да – бас аман.
Өмір сүріп өлеңсіз-ақ,
Болам, мейлі, баспақ бір;
Қазақ жыры – Нобельсіз-ақ,
Ақсұңқарсыз да асқақ тұр!