Ақын өлеңдері жинағы ✍️

Ипподромда той боп жатыр,
жерің – дүбір, аспаның – жыр,
Бір ноғайдың аты озды деп,
бір мың қазақ мас болып жүр.
Қазақстан – алтын бекет,
керуендегі дүбірің – дүр,
Бір жойт кеп тоқтап еді,
жүз мың қазақ жүгіріп жүр.
Қатын алмай – қайын алды
шүршіт екеш шүршіт келіп,
Байып алды!
Қазақстан қолында тұр ұршық болып...
Ессіз – Алаш, иесіз – дала,
нұрсыз – жанар, гүлсіз – құрақ,
Абай Жерде дөңбекшиді,
аспанда Алла үнсіз, бірақ...
2004-09