Ақын өлеңдері жинағы ✍️

Жақсы өмір, жайлы күн,
Жоқ менде қайғы-мұң.
Сүйікті төрт балам–
Зор бақыт, байлығым.
Күн дидар, гүл мүсін,
Білімге үлгісің.
Өзіңмен мақтанам,
Жадыра- Тұңғышым.
Шуағым, құштар ән,
Тілеймін құт саған.
Айтқаннан қайтпайтын,
Анама ұқсаған.
Патшамен аттасым,
Нұрсұлтан – патшасың.
Өзіңді тәңірім,
Тіл-көзден сақтасын!
Тынымсыз сәбиім,
Бар Иманғалиым.
Имекең ағаңдай,
Биіктен таниын.
Аман бол, Әмин!
Адаспай ибадан,
Иманды сүй, балам,
Айналдым Алладан,
Сендерді сыйлаған.
Бұйырды бүтіндік,
Етпейін күпірлік.
Бақытты адаммын,
Аллаға шүкірлік!!!