Ақын өлеңдері жинағы ✍️

Қызыл іңір қылығына сүрініп,
Әлі бітіп, ақшам шыға жығылып,
Елік-сезім құлап жатты ес-түссіз,
Бөрі-түннің азуына ілігіп.
Арлан шіркін көп аңдыған адымын,
Терең ұқпай, тағымыз-ау тағы мін.
Айға қарап үлыды да... қалды үнсіз,
Тыңдағандай таяп қалған таң үнін.
Қалдырмастан олжасының өлігін,
Баяулатып, аласұрған солығын.
Бүлкек кақты. Сезім шіркін тіріліп,
Құрсағында бара жатты бөрінің.