Ақын өлеңдері жинағы ✍️

Серiлiк тiрлiк
Қиын екенiн түсiндiм,
Ең iрi құрлық –
Үйiм екенiн түсiндiм.
Қайырылмас қасым –
Тиын екенiн түсiндiм,
Айырылмас досым –
Миым екенiн түсiндiм.
Көңiлдiң кейде
Дөнен емесiн түсiндiм,
Өмiрдiң бейне
Өлең емесiн түсiндiм.
Қабiр де сонша
Терең емесiн түсiндiм,
Тәңiр де онша
Керең емесiн түсiндiм.
Жүйкенiң жiбi
Темiрге айналарын түсiндiм,
Жүректiң түбi
Көмiрге айналарын түсiндiм.
Дәуiрдiң мұңы
Кемiрген сайын жаныңды,
Алмас қанжардай
Өмiр қайраларын түсiндiм.