Ақын өлеңдері жинағы ✍️

Баянсыз неткен
Өмір – тақ? –
Күздің де күні таусылды.
Тасқала тартты қоңылтақ,
Сағынып сенің даусыңды.
Қараша кетті, қыс келіп,
Қыс келгенінен не пайда?
Қара жер жатыр түс көріп,
Түс көргенінен не пайда?
Өмірдің өзі – сахна,
Ойнайды Ажал басты рөл.
Жығылды рух ақ ұра,
Жанардан аққан жасты көр.
Аспанмен мен де астасам,
Боз қырау болып терезем.
Сарқылу білмес ешқашан
Сағыныш түсті сары өзен.