Ақын өлеңдері жинағы ✍️

Жақсы да болса өз жұртым,
Жаман да болса өз жұртым.
Қаймананың қашаннан
Қоздырып жүр көз құртын.
Жақсы да болса өз елім,
Жаман да болса өз елім.
Ел дегенде өзегім
Өртенсе де төземін.
Жақсы да болса қандасым,
Жаман да болса қандасым.
Қандастарым қан жұтса,
Қайда сияр хан басым?
Жанынан безген нарға сын,
Жағалап жүрсе жар басын.
Жүрегімнен көріңдер
Жаңаөзеннің таңбасын!