Ақын өлеңдері жинағы ✍️

Оралыңдаршы құстар! Көктем ап,
Оралар мекен ол, өкпе қап...
Бір Көктем шықпай санамнан,
Құстармен бірге ол оралған.
Жапырақтарым гүлдеп ед,
Тағдыр желіне тоналған.
Оралған аппақ аққу боп,
Жолында жатқан бақ бүрлеп.
Сезім білтесін үрлеймін,
Үміттің отын жаққым кеп.
Оралыңдаршы құстар! Қаңтарда,
Оралар сонда қалқам да.
Қауырсыныңды тарайтын,
Тарағым жүр ед қалтамда.
...Оралыңдаршы құстар! Көктем ап,
Оралар мекен ол, өкпе қап!..
Боз орамалға мұң шағып,
Жылап жүр ме екен кеште қап...
Оралыңдаршы құстар!..