31.08.2022
94
![](/uploads/shorttexts/author_image/aouf82v6gri.jpg)
ҚАЗАНДАҒЫ ҒАЗАЛ
Қоштасады соңғы қаздар қазанда,
Бұл қоштасу ауыр тіптен мағанда!..
Сарыалақаз сағынышым сыймайды,
Күз әкелген Ғазалға!..
Кетсем бе екен, тізбектеліп тырнаға,
Сыр қалдырып, сенің сәулем сырғаңа!
Қоңыр күзде, қобыз – кеуде бозылдап,
Хат жазамын Музаға!..
Қайтқан құстың кайда екен тұрағы,
Күзгі аспан. Қауырсын – мұң құлады.
Қазандағы ғазалымды оқып ем,
Жапырақтар жылады...