Ақын өлеңдері жинағы ✍️

Автобуста келе жатып кеше мен,
Кимешекті әже көрдім көшеден.
Өткен күннің сағынышы кернеді,
Менің әжем құрт беруші ед кесемен.
Ақ шылауыш, ақ әжемнен аумаған,
Немереге әжелерден қайда адам.
Бақилыққа аттанған ақ әжемді,
Сағынышпен осы күнде ойға алам.
Еркелеуші ем, кимешекке кіріп ап,
Жарма құртын бөлісуші ем жұлып ап.
Батырсынып боқтайтынмын барлығын,
Ақ әжемнің қасына кеп тұрып ап.
Қандай еді сен айтатын ертегің,
Бұл өмірге әжем барда ерке едім.
Меніменен жаны бірге әжемді,
Алып кеткен өмір неткен келте едің?!