Ақын өлеңдері жинағы ✍️

Жазарымды, бүгін жазам,
Кешіргін!
Ертеңіме еркелеумен есірдім.
Қиял кезген қан талайды Қарашық,
Ұлттың мұңын жанарыма көшірдім.
Өтірікке көрмесек те құнығып,
Жалғандықтың тұрғанын-ай, құбылып.
Ұяң қыздай, ұялады ақиқат,
Имансыздың кірпігіне ілініп.
Көрген, көнген, керіледі Қасын жай!
Миғұладай ми шайқайды басын жай.
Көнелігім төгіледі-ау, бір күні,
Көздің ащы жасындай!..