Ақын өлеңдері жинағы ✍️

Алдамшы өмір, құрғыр ма ең,
Құрығыр дүние, бұлдыр ма ен?!
Нәлет айттым мың күнге
Көңілім қалып бір күннен.

Түн керексіп тәнімді,
Тұмшалады таңымды.
Тойымсыз сұм кекірер,
Сорып, сорып нәрімді.
Өмір – жалған, алдамшы,
Ер опасыз, жалғаншы.
Сең кешкендей сезімім,
Сеніміме алданшы!
Көзімді алдап көлгірлік,
Көсемсимін мен мұңлық.
Арсыздықты айтақтап,
Абыройды жер қылдық.
Дүние шіркін кезек-ті,
Алтын өзін жез етті.
Ішкен суым сор татып,
Тіліп кетті өзекті.
Күн көзінде тамшымын,
Тұз боп кеуіп қаңсыдым.
Көмейіме құйылсай
Ханым ішер бал-шырын.
Жасық болса жақсы да ез,
Тәнін бүркер тапшы бөз!
Тыржалаңаш өмірді
Тіміскілер нәпсі-көз.
Түннен қарар сөгіп Ай,
Жазғырады ол мені ұдай.
Өксіп-өксіп алдым да,
Күрсіндім кеп. . . Өмір-ай!