Ақын өлеңдері жинағы ✍️

Қараша келді дайындал,
Қамығып жүрген ойым бар.
Ұялуға да дәрменсіз
Лыпасыз қалған қайыңдар.
Қараша келді мұңдылау,
Аспанның жүзі бұлдыр-ау.
Қарайып кеткен көңілге
Үмітті үкі қылдым-ау.
Тал, терек тоңған шақта бір,
Бақыты тайған баққа кір.
Шашылып қалған жапырақ –
Сен-дағы солай ақтарыл.
Қараша келді жүрекке,
Әзірге мұңын түнетпе.
Ызғары шалар, жаныңа
Жазықсыз, нәзік гүл екпе!..