Ақын өлеңдері жинағы ✍️

Сен деп айтсам,
Жан жүрегің езілсін.
Көштен қайтсам,
Серілігім сезілсін.
Жебе тартсам,
Нысананың көзісің.
Сенім артсам,
Сумақайдың өзісің.
Ұрлап ойын,
Өзгелердің «дарасың»…
Тұнған бойы,
Бос кеуде боп барасың.
Алда тойың,
Ұқсай сөздің сарасын.
Көп қой қойың,
Алма достар наласын.
Бос сөз қойғын,
Тапсын ойлар жарасым.
Қойды сойғын,
Шәй мен алғыс аласың.
Сылқым сұлу
Жолықтырған тосыннан.
Жастан жылу,
Артық боп тұр досыңнан.