Ақын өлеңдері жинағы ✍️

Тау бөктері қап-қара, дала қара,
Қарапайым қара жұрт болған нала.
Біз кінәлі емеспіз, бәрі жала,
Шық жұқтырмайды атына әкім-қара.
Жайлым да қалмапты малға қара,
Ойлап едік сіздерді әкім дара.
Сұлу сылқым жүрістен еш пайда жоқ,
Халық қамын ұмытпа бара-бара.
Соқпақ салар кез келді тыңнан сара,
Өзекті мәселе көп бітпес жара.
Ауыл әкім, кең дала бәрін сипап,
Өкпе-назға ұласпасын біздің ара.