Ақын өлеңдері жинағы ✍️

Көргенде қыз бейне өлеңдi,
Сөз табу қиын-ау ақынға.
Мен сенi сүйемiн дегендi,
Жанарым айта алмай жатыр ма?
Жанарың... анарың... тамағың...
Мүсiнiң тал шыбық бұралған...
Қаншама құмарта қарадым,
Шыға алмас болсам да
құмардан.
Ұрлана зер салдым қаншама,
Қылығың тауысып төзiмдi.
Болғаны-ау өзiңдей ханшаға,
Ұрлатып алмасам өзiмдi!
Күттiрме, кешiкпе, кел ендi,
Көрiктiм құшуға жаралған.
Қалайша ала алам мен ендi,
Көзiмдi көзiңе қамалған.
Көргенде қыз бейне өлеңдi,
Сабыр да қалмайды-ау ақында.
Жаным-ау, сүйемiн дегендi,
Жанарың әлi ұқпай жатыр ма?..