Ақын өлеңдері жинағы ✍️

Желмая мiнiп жаһаннан
Жерұйық мекен iздеген,
Бабалар ерер ұл барда
Ертеңнен үмiт үзбеген.
Қиналған шақта бабаның
Аруағы жебеп қолдаған,
Садақ та тартып сол ұлан
Жаудан да жерiн қорғаған.
Осылай болған әрдайым
Азаттық сынға түскенде.
Кiшкентай қазақ, дайын бол,
Ертеңгi ұлы iстерге.
Мен де ертең елдiң бiрлiгiн
Табыстап Алатауыма,
Кеткенде,
Барып қонады ол
Сәбидiң Алақанына.