Ақын өлеңдері жинағы ✍️

Жан екенсiң мiнезiң ашық қана,
Мөлдiр көңiл менде сол, ашып қара.
Жанарлы қыз, ал саған қараса тек,
Қарасыншы құмарта ғашық қана.
Iзгi тiлек тiлеймiн жаңа-жаңа,
Қауыз ашқан гүл қызға жаңа ғана:
Ақын жүзiн жыр жазса жабатын мұң
Қалқа қыздың жанарын қамалама.
Қалқа бала-ай... Мiнезiң көзде ме едi?
Көрiктiсiң, көркiңдi көз көредi.
Жанарың тұнық екен көл сияқты,
Жел тұрса тек көл жүзi өзгередi.
Өзгерме, өзгермешi, жанар боп қал,
Серттен таймас жырдағы Қамар боп қал.
Армандардың ауылына алыстағы,
Ақын көңiл жолдайтын хабар боп қал.
Мен де бiр күн сағынар заман боп қал.