Ақын өлеңдері жинағы ✍️

Көктем келді
Құстар келді – көл сəні,
Той емей не,
Төңірекке толса əні.
Дирижердің таяғындай жас талды
Тербелтетін дала хоры басталды.
Құс көктемге,
Көктем құсқа ілесіп,
Кең өлкемде əуен есіп, жыр есіп,
Əрі кіріп əнге толы ұялар,
Қуаныштан көңілге нұр ұялар.
Құстар құстар тіршіліктің сəні де,
Қайта басты алуан сазды əніне,
Əнімен де
Сəнімен де не түрлі
Құс пен көктем бір жүретін секілді.