Ақын өлеңдері жинағы ✍️

Жиырма жыл бұрын –
Сен жиырмада едің,
Мен жиырмада едім,
Жүрегімді қалтқысыз сыйлаған едім,
Ешкімге мына ғаламда қимаған едім.
Қос жанарың мөлдіреп құралайдай
Дедің-ау сонда:
– Кісім бар. Қинама мені!
Содан бері де өтіпті қаншама уақыт,
Келемін сенің лебіңе жан саялатып.
Көңілің көктем гүліндей шешек атады,
Ақ пейілменен тілейтін баршаға бақыт.
Жиырма жыл бұрын осыдан –
Жиырмада едің,
Жан жүрегімді қалтқысыз сыйлаған едім.
Сол сезім əлі жанымда келеді лаулап
Қойсаңшы енді, жанымды қинама менің.
Өмірде біреу біреуге құмартса мендей,
Ең ғашық жүрек сол дегене иланар едім.