Ақын өлеңдері жинағы ✍️

Мен ер жеттім,
Бұла боп еркін өстім,
Сұлулықтың сырына елтіп өстім.
Не ғажапты көрсем де көз көрмеген,
Қыр гүліне деген жан құштарлығым
Қалар мəңгі қалпында өзгермеген.
О, достарым, мен дағы өздеріңдей,
Бір сүйсем, мəңгі сүйем өзгерілмей.
Кең далада жайқалған сансыз гүлдер
Мөп-мөлдір моншақтардың көздеріндей.
Зымырап, зулап өтіп барады күн,
Көңілде кейде ұялап қалады мұң.
Сондай сəтте қуантам десең мені,
Əкел бір шоқ хош иіс дала гүлін.