Ақын өлеңдері жинағы ✍️

Біздің көңіл Сізге ауған
Сіздің көңіл күзге ауған.
Не күтеді бізді алдан,
Не күтеді Сізді алдан?!
Үн жетеді шалғайдан,
Самал соған арнайды ән.
Сартап етіп сағыныш
Күндерім-ай сарғайған.
Сары күзге Сіз ғашық,
Сізге қылған бізді асық.
Сынаптайын сырғумен
Күз де кетер түзді асып.
Сап-сары өңді күз-ғалам,
Тұла бойы мұздаған...
Мұздай көңіл түңілтіп,
Өл деймісіз Сіз маған?!
Көз жазып қап күлкімнен,
Көзге тамшы іркілген.
Күте-күте жолыңды
Күзге айналам бір күн мен.

Сізді әлемнен қызғанған
Қабағынан сыз жауған
Бізді көрер амалсыз
Сіздің көңіл... күзге ауған...