Ақын өлеңдері жинағы ✍️

Қу көңіл бəз баяғы жиырмада,
Шертердей махаббаттың күйін дара.
Түскенмен жанға қылау, шашқа қырау,
Кетердей араласып құйынға да.
Тірліктің биік мансап, бақытын да
Асылын – алтын, ақық, жаһұтын да...
Қумадым мұрат көріп уақытында,
Өзіңсің менің байлық, бақытым да.
Өмір ғой, жетелейді арман алыс,
Таңданбасқа таңырқап, таңданамыз.
Болмашыға балаша мəз боламыз,
Болмашыға балаша алданамыз.
Мен саған ессіз-түссіз ғашық болып,
Тұрғанда кемеріме тасып-толып,
Соғуын жұдырықтай жүрегімнің
Білсең ғой бір мезетке ашып көріп.