27.08.2022
78
![](/uploads/shorttexts/author_image/bb4e7c57ec76bc7d29bf1532679e7398-original.jpg)
Мың нәлет ел шабысқан замандарға...
Мың нәлет ел шабысқан замандарға,
Тоқтатар өктемдікті - амал бар ма?!
Ән созса, «Қаратау» деп жұбанатын.
Қан жұтып, қайғы көрген адамдар да.
Жаралар сау жеріңді билік тисе,
Жалғанда ең қиыны-жаман қарға!..
Көш сайын жетектеулі тұлдаған ат...
Көш сайын жылау-сықтау бір ғаламат!..
Шүкірлік етеді екен үлкендері
Найза ұстар артындағы ұлға қарап.
Бірақ соның кесектік, адалдығы,
Әрдайым бітірердей жырға қанат!