Ақын өлеңдері жинағы ✍️

Балтабекке

Қалмаспын деп дәл осы күзден аман,
Үмітін тіршіліктен үзген ағаң.
Мені де санатыңа санағайсың,
Күніне алғыс айтса жүздеп адам.
Келгеннен түзу ұшып түтіндерің,
Жыртығын көңілімнің бүтіндедің.
Айығып кетемін-ау құлан-таза,
Палуанға түсетіндей күтімдемін!
Ақынның арманы көп, бір төбесі-ем,
Ішім-құса, қаламды сілтемесем.
Кім білсін, бастың қайда қалатынын,
Тірілер тізіміне тіркемесең

2008 жыл