Ақын өлеңдері жинағы ✍️

Шу асауды өз ырқына көндірген,
Лапылдаған талай өртті сөндірген.
Тонна-тонна руданы қопарып,
Алашыма асыл ұрпақ өндірген –
Қажытай ағам;
Қажытайым қайыспайтын құрышым,
Бар ғұмырын сарп еткенде жыр үшін,
Ұрпақ жалғап, иіп берген ұлтына
Бойындағы алтыны мен күмісін –
Руда жеңгем!

Ұлықбек ЕСДӘУЛЕТ,
ақын, Қазақстан Республикасы
Мемлекеттік сыйлығының иегері