Ақын өлеңдері жинағы ✍️

Аулақ, сұмырай, адамзаттан, пендеден,
Түнек қалай егіз болмақ Жарықпен?
Тұла бойын ана жыры кернеген
Бесік – қалай егіз болмақ Табытпен?
Алланың да айтқанына көнбеген,
Адамзаттың жолын баққан көлденең –
Тобыр – қалай егіз болмақ – Халықпен?!
О, Тәңірі!
Зілі жойқын, жат үні,
Естідің бе мына зұлмат дауысты?
Ақырзаман келгені ме ақыры?!
Дүниенің ақыл-есі ауысты…