Ақын өлеңдері жинағы ✍️

Қарысып, дүние, алысып,
Ойыны да оның осылған.
Қарсы зарядтар табысып,
Һас екі жақсы қосылған.
Саф таза тән мен санаға,
Саулаған көктен нұр қандай:
Адам Ата мен Һауа Ана
Алдыма келіп тұрғандай!
Ал, енді, көкке самға деп,
Алдантпай дүние ісіне, --
Ақ нөсер құйды Алла кеп,
Аспаннан екі кісіге.
Байланған екі үзігім,
Үзетін оны қол қандай?
Екі дүниенің қызығын
Екеуі көрсе болғандай!
Жанымен-тәнін сай қылған,
Тәңіріде -- текті талғам да.
Екі аққу көріп айдыннан
Елжіреп жүрмін жалғанда!
Аққудың күйін шертіп-ақ,
Аймалап күнде жүзін нұр, --
Қос балапанын ертіп ап,
Құс базарында жүзіп жүр.