Ақын өлеңдері жинағы ✍️

Жасқа шылап
не марқайтып мың көзді,
Бабам тартқан
бағытты ұстап бір кезгі.
Аяқ асты аспан жаққа аттансам,
Айта алмаспын
бұл сөзді.
Уақыт бітіп...
Ұзынымнан ал түстім,
Мезетінде таңның я талтүстің.
Молда жуар мал дәметіп тәнімді
Іштей сөйлеп:
«Денесін-ай байғұстың».
«Есіл ер-ай, қандай еді өлеңде,
Бүйте алмадық,
сүйте алмадық» дегенде...
Жаны таза
жан аңғарар сол шақта
БАРМАҚ ШЫҒЫП ТҰРҒАНДЫҒЫН ТӨБЕДЕ
Өтіріктерге... кезеліп.