Ақын өлеңдері жинағы ✍️

Ауылға бардым, анамды көріп, қуандым,
Көңілім босап, əкемді көріп, жұбандым.
Туыстар келіп, арқа да жарқа, əн салып,
Атап өтілді атажұртымда туған күн.
Ауылға бардым, ауасы қандай, тұп-тұнық,
Қулықтан1 келер бұлағы қандай, сұп-суық!
Тауларым қандай, күзетіп тұрған ауылды,
Аспаны қандай, шөкімдей бұлт жоқ,
тып-тымық.
Жылысай барып, дəм таттым аға үйінен,
Тірлігін көріп, қуандым іштей, сүйінгем.
Қайқыны асып, құдаға барып, жыр оқып,
Серпіліп қалдым, арылып сұп-сұр күйімнен.
Ауылға бардым, бата алдым абыз ападан,
(Жүрсемші енді қалмастан көштен, қатардан).

Кегеннің желі шашымнан сипап, сергітті,
Қуат ап қайттым ауылға барған сапардан.
Шілде, 2007 жыл.

1Қулық – тау аты.