17.08.2022
78
![](/uploads/shorttexts/author_image/face9686a126c31e936870d7c956b970-250x300.jpg)
Таудамын...
Таудамын,
демеші қай тауда?
Жатырмын дем алып жайлауда,
Саумалын ішемін биенің,
Ал оның құлыны байлауда.
Құшағың алады елітіп.
Тынысты таза ауа кеңітіп.
Туған жер сағынып келіп ем,
Жүректі жібердің ерітіп.
Құштым-ау, құмартып қыр гүлін,
Ұйқымнан оятты бұлбұлың.
Туған жер сен неткен асыл ең,
Жұмаққа бермейтін бұл күнім.
Аңсады-ау ұлың да анасын,
Амал жоқ, әттең-ай, шарасыз.
Балалық шағымды ұрлап ап,
Ей тағдыр,
Сен қайда барасың?!