Ақын өлеңдері жинағы ✍️

Өтей алмай жүреміз-ау қарызын,
Бір адам бар,
Ана деген жаны үлгі,
Құрмет тұту сол кісіні, парызың,
Құшақ-құшақ гүл сыйлайтын кәдімгі.
Көктем ғұмыр,
Айналаның бәрі ізгі.
Сағынышым жүрегімді тербейді.
Анам кіріп келетіндей тәрізді,
Әттең бірақ білемін ғой келмейді.
Кейде жүрмін өз ойымнан тосылып,
Өлең жырым жан-жарамды емдейді.
Бар кезінде құрметтейік, осыны ұқ,
Кеткен жандар келмейді.
Тағзым етіп аруағыңа жүрейік.
Жаз мезгілде кесенеңе гүл егіп,
Бар кезінде шын қадірін білейік,
Өксігім де тамаққа тұр тіреліп.